Kuia Nepe

Kaiako Totara – Years 7-8

Tiirohia ake au ki te taumata o tooku maunga a Pirongia
Maarama te tiro ki ngaa pae korekore o te rangi
Tiro whakakatau ki Kawhia moana ki te urunga tapu o tooku waka a Tainui
E tuu whakahii ana a Aaramiro, o ooku maataapuna, o ooku pakiaka
Tuu tonu i te ao, i te poo.
Whakawhiti atu ki te awaawa o Waipa
ko au te uri o Hoturoa
heke iho ki Tuuheitia ki tana tama a Maahanga
Tuu honohono ki te awaawa o Waikato Ngaa pitopito o te awa tuupuna
Ka rere whakarunga ki tooku paemaunga ko Taupiri Kuao
Te konehunehu o ngaa kaahui ariki Ngooku tuupuna Ngooku mareikura Ngooku whatukura
Heke mai raa ki te riu o Waikato
Ko Ngaati Maahuta rere atu ki tooku uukaipoo, tooku whakaruruhau
Ka mihi matakuikui ki tooku tuurangawaewae ki pookai whenua
Tihei Mauri Ora Ko Kuia Nepe tooku ingoa.